Македонија останува во групата „делумно слободни “ земји, според рангирањето на организацијата „Фридом хаус“. Во најновиот извештај насловен „Слободата во светот 2023“, Македонија бележи напредок од еден индексен поен и има годишен индекс на слободата од 68 од можни сто поени.
Во групата на „делумно слободни “ се и повеќето земји во регионот. Србија бележи пад и има 60 поени, исто колку и Косово кое, пак, има напредок од четири поени. Албанија и Црна Гора имаат оценка 67, Бугарија 79, Хрватска, 84 и Грција 86. Највисок индекс на слободи меѓу земјите во регионот има Словенија - 95, а најнизок Босна и Херцеговина - 52.
„Фридом хаус“ во најновиот извештај забележува дека глобалната слобода се намалува 17-та година по ред.
Видете и ова: Фридом Хаус: Македонија делумно слободнаРуската инвазија доведе до катастрофални нарушувања на човековите права во Украина, а новите преврати и други обиди за поткопување на избраните власти ги дестабилизираа Буркина Фасо, Тунис, Перу и Бразил, оценува организацијата.
Земји со најголеми слободи во светот се Шведска, Норвешка и Финска со маскимални 100 поени, САД имаат 83, Русија 16, Кина 9, а Украина 50. Најнеслободни држави се Северна Кореја со три и Сирија со еден поен.