Рускиот претседател Владимир Путин ги обвини членките на НАТО дека учествуваат во конфликтот во Украина со донирање оружје на таа земја и рече дека Западот планира да ја ликвидира Русија.
„Тие испраќаат десетици милијарди долари оружје во Украина. Ова е навистина учество.Тоа значи дека тие учествуваат, иако индиректно, во злосторствата извршени од режимот во Киев“, рече Путин во интервјуто за каналот „Россија-1“ емитувано денеска.
Тој додаде дека Русија нема избор и мора да ги земе предвид нуклеарните капацитети на НАТО.
„Во денешни услови, кога сите водечки земји на НАТО ја декларираа својата главна цел - да ни нанесат стратешки пораз, да го натераме нашиот народ да страда, како можеме да ги игнорираме нивните нуклеарни способности?“, рече Путин, а пренесе Ројтерс.
Тој додаде дека и западните земји имаат „една цел - да го распуштат поранешниот Советски Сојуз и неговиот главен дел - Руската Федерација“.
„Дури тогаш можеби ќе не примат во таканареченото семејство на цивилизирани народи, но само посебно, секој дел посебно“, истакнува Путин во интервјуто.
Видете и ова: Западот едногласен во поддршката за УкраинаНа 24 февруари 2022 година, Москва започна инвазија врзУкраина.
Во првата година од војната, десетици илјади луѓе загинаа, вклучително и илјадници цивили, милиони станаа бегалци, а некои градови беа целосно уништени.
Експертите предупредуваат дека најголемиот конфликт во Европа од Втората светска војна би можел да трае со години, а се погласни се стравувањата дека може да прерасне во директен конфликт меѓу Русија и НАТО.