Во рок од две до три недели Полска ќе испрати 14 тенкови „Леопард 2“ во Украина, изјави за Си-Ен-Ен портпаролот на полското Министерство за надворешни работи, Лукаш Јасина.
Тој додаде дека Варшава го поддржува испраќањето борбени авиони во Киев, но дека допрва треба да се бара консензус меѓу земјите од НАТО.
„Исто како што беше со тенковите, се надеваме дека оваа коалиција ќе биде доволно голема за сè повеќе да ја поддржува Украина. Авионите се многу корисни во оваа војна. Сепак, ние сме земја членка на НАТО и сакаме да постигнеме договор за сите такви прашања, бидејќи алијансата е посилна кога сме заедно“, рече Јасина.
Руска инвазија врз Украина: Една година низ фотографии
Чешкиот претседател Петар Фиала, пред денешната средба меѓу американскиот претседател Џо Бајден и сојузниците од источното крило на НАТО, изјави дека неговата земја ќе продолжи да ја поддржува Украина сè додека е потребно.
Русија пред една година ја почна инвазијата врз Украина и окупира делови од украинската територија. Западот ѝ помага на Украина да се одбрани и воведе жестоки економски санкции против Москва.