Руското Министерство за надворешни работи ги отфрли тврдењата на претседателот на Молдавија во понеделникот дека Москва подготвува заговор да ја дестабилизира ситуацијата во поранешната советска република. „Таквите тврдења се целосно неосновани“, се вели во соопштението на руското Министерство за надворешни работи во вторникот.
Видете и ова: Санду го објави „рускиот план“ за дестабилизација на МолдавијаПретседателката на Молдавија, Маја Санду, на 13 февруари се пожали дека Русија планира да користи странски саботери за да го урне раководството на нејзината мала земја, да го спречи нејзиното пристапување во Европската унија и да ја искористи во војната против Украина. Русија ја обвини Украина за поттикнување тензии меѓу Русија и Молдавија, велејќи дека Киев се обидува да ја вовлече Молдавија „во тешка конфронтација со Русија“.