Министерот за надворешни работи на Унгарија Петер Сијарто во понеделникот беше во посета на Минск за да ги одржи „отворени каналите за комуникација“. Министерот за надворешни работи Петер Сијарто во објава на својата Фејсбук страница рече дека за време на неговите разговори во Белорусија го претставувал унгарскиот став за обид за постигнување мир во Украина. „Очигледно многумина ќе ме нападнат за оваа посета, но нашиот став е јасен: каналите за комуникација мора да бидат отворени“, рече Сијарто, објавувајќи фотографии од неговата посета. Унгарскиот премиер Виктор Орбан изјави дека Унгарија сака да остане надвор од војната, додека независна и суверена Украина е во националниот интерес на Унгарија.
Унгарија му припаѓа на „мировниот камп“, рече Орбан по средбата со Зеленски
Орбан постојано бараше прекин на огнот и мировни преговори за да се стави крај на војната и рече дека Унгарија нема да испорачува оружје на Украина. Орбан, исто така, беше гласен критичар на санкциите на Европската унија против Русија, велејќи дека тие им штетат на европските економии, но Будимпешта досега ги поддржуваше мерките. Во исто време, унгарскиот премиер, кој е на власт од 2010 година, рече дека Унгарија „се обидува да спаси се што може да се спаси од економската соработка со Русија“. Унгарија се потпира на руски гас и нафта и има договор со Росатом за нуклеарна централа.