Спасувачката фаза од земјотресот во Турција и Сирија „се приближува“, а итноста сега се префрла на обезбедување засолниште, храна, школување и психосоцијална грижа, изјави денеска шефот за помош на Обединетите нации Мартин Грифитс за време на посетата на Алепо во северна Сирија. „Она што е највпечатливо овде е дури и во Алепо, кој толку многу страдаше овие многу години, овој момент, беше најлошото што го доживеале овие луѓе“, додаде Грифитс. Официјалниот претставник на ОН, исто така, спомна дека Обединетите нации ќе имаат помош која ќе се движи од регионите во Сирија под контрола на владата кон северозападниот дел на земјата под контрола на бунтовниците - исто така уништени од смртоносниот земјотрес.
Видете и ова: ОН предупредуваат на недостаток на помош за СиријаСпасувачите извлекоа повеќе преживеани од урнатините, речиси една недела по еден од најтешките земјотреси што ги погодија Турција и Сирија, додека турските власти се обидоа да го одржуваат редот низ зоната на катастрофата и почнаа правни дејствија за уривања на згради. Шансите за пронаоѓање повеќе преживеани стануваат подалечни, а билансот во двете земји од земјотресот на 9 февруари и големите последователни потреси се искачи на над 33.000 и се чини дека ќе продолжи да расте. Турскиот потпретседател Фуат Октај рече дека досега се идентификувани над 130 осомничени како одговорни за уривањето на некои од илјадниците згради.