Леб и политика

МАКЕДОНИЈА - Пациенти со цистична фиброза, активисти и граѓани со едноминутно молчење и поставување цветен венец пред Владата му оддадоа почит на Благојче Илијевски, кој почина вчера, чекајќи да се обезбеди лекот „трикафта“ за оваа болест.

МАКЕДОНИЈА - Граѓаните да не отвораат електронски пораки пратени во име на МВР со кои се повикува примачот да ги контактира преку вибер линк поради појавување на суд за сторено кривично дело, предупредуваат од Министерството за внатрешни работи (МВР). Деновиве велат дека до нив стигнале повеќе пријави од граѓани, кои примиле електронска порака во име на министерот за внатрешни работи, каде стоело дека во соработка со полициската канцеларија на Европол, треба да се јават на суд за низа измислени кривични дела. Притоа, примачот на пораката се повикувал да го контактира испраќачот преку вибер линк.

ТУРЦИЈА / МАКЕДОНИЈА - Македонскиот армиски тим помогна во спасувањето на 5-годишниот Сулејман од под урнатините во турскиот град Кахраманмараш, кој во понеделникот беше тешко погоден од два разорни земјотреси. Како што соопштија од Министерството за одбрана, гласот на затрупаното дете ги донел војниците до местото, по што тоа било спасено.

МАКЕДОНИЈА - лијанса за Албанците го најави својот влез во Владата. Потврдата дојде од претседателот на Арбен Таравари, по седницата на партиското Централно претседателство во Тетово. Во замена за влезот во влада договорено е партијата да добие три министерства. Потврдени се Министерството за здравство и Министерството правда, а како трето ќе биде Министерството за информатичко општество или заменик премиер за економски прашања, изјави Таравари. Партијата исто така ќе ги добие заменичките министерски места за одбрана и за земјоделие, како и повеќе директорски позиции кои Таравари не ги откри, но најави дека ќе се назначуваат откако ќе се избере Владата.

СИРИЈА / ТУРЦИЈА - Бројот на загинати од земјотресите што опустошија широки делови на Турција и Сирија надмина 20.000 лица, а бледнеат надежта за пронаоѓање преживеани под урнатините на илјадници урнати згради. Во Турција има 17.134 потврдени смртни случаи и уште 3.317 во Сирија, со што вкупниот број изнесува 20.451 загубен животи што го прави еден од најсмртоносните потреси во последните децении.

ВЕЛИКА БРИТАНИЈА / САД - Велика Британија и Соединетите Држави најавија санкции против седум Руси обвинети за водење на озлогласена хакерска банда која започнала сајбер напади бизниси, училишта и болници во двете земји и на други места во светот. Министерството за финансии на САД соопшти дека седуммината Руси биле водачи на бандата позната како Трикбот, која целела на болници и здравствени центри за време на ковид пандемијата во 2020 година.

ЦРНА ГОРА - Пописот на населението во Црна Гора ќе се одржи од 1 до 15 ноември, одлучи денеска владата. Министерот за финансии Александар Дамјановиќ изјави дека периодот во кој ќе се прави пописот е според препораката на Обединетите нации за пописот, која предвидува тој да не се совпаѓа со изборната кампања.

МАКЕДОНИЈА - Во услови на висока инфлација во Европа, со преземените мерки е намалена финалната цена на основните прехранбени производи, оцени денеска премиерот Димитар Ковачевски. Тој уверува дека цените на лебот, млекото и месните производи се намалени од 7 до 12 проценти, при што нагласи дека барањето на Стопанската комора беше државата да овозможи поевтина струја за да поевтинат основите прехранбени производи.

МАКЕДОНИЈА - Народната банка (НБ) ги зголеми каматните стапки за дополнителни 0,5 проценти поени. Ова е одлучено на редовната седница на Комитетот за оперативна монетарна политика на Народната банка, на која беа разгледани најновите податоци и информации за домашната и глобалната економија и најновите случувања на меѓународните и на домашните финансиски пазари во контекст на поставеноста на монетарната политика.

ЕУ - Европската унија ќе ѝ даде поголема воена поддршка на Украина, изјави денеска шефот за надворешна политика на ЕУ, Жозеп Борел, пред состанокот на лидерите на ЕУ во Брисел. Украинскиот претседател Володимир Зеленски се подготвува да лобира кај европските лидери на самитот во Брисел за повеќе оружје во борбата против Русија и брз почеток на преговорите за членство во ЕУ за неговата земја.

УКРАИНА / ЕУ - Украинскиот претседател Володимир Зеленски денеска му се заблагодари на Европскиот парламент за помошта што Украина ја добива од ЕУ за да се одбрани од руската инвазија. Откако ги добија ветувањата за западни борбени тенкови во последниве недели, украинските власти сега се фокусирани врз обидот да обезбедат снабдување со ракети со поголем дострел и борбени авиони. „Ви благодарам“, им рече Зеленски на пратениците на ЕУ, кои му дадоа долги овации, а некои од нив носеа сина и жолта боја на украинското знаме.