Бројот на загинати од земјотресите што опустошија широки делови на Турција и Сирија надмина 20.000 лица, а бледнеат надежта за пронаоѓање преживеани под урнатините на илјадници урнати згради.
Во Турција има 17.134 потврдени смртни случаи и уште 3.317 во Сирија, со што вкупниот број изнесува 20.451 загубен животи што го прави еден од најсмртоносните потреси во последните децении.
Трка со времето за да се најдат преживеани од смртоносниот земјотрес во Турција и Сирија
Повеќе од 75.000 луѓе беа повредени во двата последователни силни земјотреси, од 7,8 и 7,5 степени, што го погодија регионот рано во понеделникот. Безброј луѓе останаа без домови без пристап до основните добра и услуги, особено во Сирија која е разурната од војна и меѓународната помош бавно пристигнува.
Турската влада соопшти дека повеќе од 100.000 луѓе ги проверуваат урнатините веќе четврти ден, вклучително и тимови од странство. Турската државна телевизија ТРТ пак извести дека околу 8.000 луѓе досега биле извлечени од урнатините во Турција.
Видете и ова: Зимските услови и последователните потреси ги отежнуваат спасувачките напори во Турција и СиријаОбединетите нации објавија дека земјотресот со јачина од 7,8 степени кој ја погоди Турција беше најсилниот во таа земја во повеќе од 80 години.