Министерството за внатрешни работи ги демантира информациите дека за безбедноста в сабота кога ќе се одбележува 151-годишнината од раѓањето на Годе Делчев ќе бидат ангажирани и бугарски полицајци. „Станува збор за комплетна дезинформација и извртување на факти, имајќи ги предвид соопштенијата кои деновиве, во пресрет на чествувањето на роденденот на Гоце Делчев ги сподели МВР со јавноста, како и неколкуте медиумски гостувања на министерот за внатрешни работи Оливер Спасовски токму на оваа тема, што за еден новинар, кој без да праша, а притоа пласира небулози криејќи се зад потписот „Администратор“ е недозволиво и срамно“, реагира МВР на пишувањата на порталот „Макпрес“.
Од вечер до сабота посебен режим на сообраќај во Скопје
Од МВР потенцираат дека македонската полиција постапува самостојно, по претходно изготвен оперативен план и е подготвена во целост, не само за овој настан, туку и за сите настани, да направи сѐ за да ги сочува мирот и стабилноста на државата и граѓаните.
Бугарската Фондација „Македонија“ повикува на присуство на гробот на Делчев в сабота
„Со изнесувањето на овие дезинформации, порталот Макпрес ги доведува во заблуда граѓаните на Република Северна Македонија и наместо да помогне во достоинствено одбележување на роденденот на великанот Делчев, што подразбира ангажирано и одговорно пренесување на проверени информации, а не одработување за нечии деструктивни влијанија со пласирање лаги кои имаат за цел само да наштетат не само на работењето на полицијата како гарант на редот, безбедноста и владеењето на законите, туку и на угледот на државата“, се вели во демантот од Министерството за внатрешни работи.