Турција на неодредено време ја откажа средбата на трилатералниот механизам со Шведска и Финска, закажана за февруари, по протестот кој се одржа минатиот викенд во Стокхолм кој наиде на осуда од Анкара, објави денеска државната телевизија ТРТ.
Состанокот беше одложен на барање на Анкара, соопшти ТРТ повикувајќи се на турски дипломатски извори.
Портпаролот на Ердоган на почетокот на овој месец изјави дека треба да присуствува и генералниот секретар на НАТО Јенс Столтенберг.
Видете и ова: Финска вели дека е потребен тајмаут во разговорите со Турција за кандидатурата за НАТОТурскиот претседател Реџеп Таип Ердоган еден ден претходно рече дека Шведска не треба да очекува поддршка од Турција за нејзиното членство во НАТО.
Ваквите коментари доаѓаат по протестот во близина на турската амбасада во Стокхолм, каде беше запалена копија од Куранот.