Безбедносната состојба во Албанија, состојбата на северот на Косово и нелегалната агресија на Русија врз Украина, биле тема на разговор на седницата на Националниот совет за безбедност на Албанија, што се одржа попладнето на 23 јануари. Албанскиот претседател Бајрам Бегај, кој го свика Советот, побарал со приоритет да се разгледуваат и изготвуваат стратешки документи од областа на национална безбедност и одбраната.
Во соопштението од кабинетот на Бегај се наведува дека сите институции се посветени да ја гарантираат националната безбедност во областа на нивната одговорност.
Бегај, на седницата, минатата година ја оценил како „тешка и предизвикувачка за националната безбедност“, споменувајќи ги сајбер-нападите, според него, спонзорирани од државните структури на Иран, чија цел била дестабилизација на земјата.
Видете и ова: Заседава Националниот совет за безбедност на АлбанијаСе задржал и на состојбата на северот на Косово, која, според него, не придонесува за мирот и стабилноста во регионот.
„Албанија стои до Косово и го цени зачувувањето на неповредливоста и територијалниот интегритет на Република Косово”, додал претседателот на Албанија.
Според него нелегалната агресија на Русија врз Украина, ја предизвика најголемата безбедносна криза во евроатлантскиот простор, а се одрази и на економски план, отежнувајќи го животот на граѓаните.