Денеска времето ќе биде сончево, со мала до умерена облачност и можност за појава на слаба магла во котлините во утринските часови. Кон крајот на денот и во ноќните часови почнувајќи од запад ќе има врнежи од дожд, а на планините и на некои повисоки места од снег.
Ќе дува слаб до умерен ветер од југоисточен правец, се наведува во временската прогноза на Управата за хидрометеоролошки работи-УХМР.
Дневните температури ќе се движат во интервал од 3 до 15 степени.
Во Скопје се очекува исто така сончево време со мала до умерена облачност, со повремен дожд во ноќните часови.
Под влијание на нов влажен бран од вечерните часови ќе започнат врнежи од дожд, кои ќе бидат пообилни утре, како и во вторник претпладне (локално над 30 л/м2).
Врнежи од снег ќе има најпрво на планините, каде снежната покривка значително ќе се зголеми, а од утре попладне и на некои повисоки места.