Првата точка на дневниот ред на идниот министер за одбрана на Германија ќе биде дали да и испорача борбени тенкови на Украина, изјави германскиот министер за економија Роберт Хабек. „Кога ќе се наименува новиот министер за одбрана, ова е првото прашање што треба да се реши конкретно“, рече тој на маргините на Светскиот економски форум во Давос во Швајцарија.
Британија ја повика Германија да дозволи снабдување со тенкови за Украина
Германската министерка за одбрана Кристин Ламбрехт поднесе оставка во понеделникот, бидејќи нејзината влада беше под зголемен притисок да им дозволи на сојузниците да испратат тешки тенкови на Украина, на почетокот на, најверојатно, клучната недела за плановите на Западот за дополнително вооружување на Киев. Германскиот канцелар Олаф Шолц вчера икот изјави дека ќе дејствува брзо за да ја замени Ламбрехт. Франкфуртер алгемајне цајтунг, повикувајќи се на владини извори, објави дека наследникот ќе биде објавен денеска.