Премиерот Димитар Ковачевски денеска најави смена на директорот на Управата за извршување на санкции Марјан Спасовски откако избега осуденик од затворот во Идризово. Ковачевски денешната прес-конференција во Владата рече дека е незадоволен од работата на Спасовски и затоа ќе бара негова замена.
„Веќе отпочнав процес на селекција на нов директор на Управата за извршување на санкции“, рече Ковачевски.
Во однос на директорот на затворот Идризово, Ковачевски кажа само дека тој е назначен од пред неколку месеци и промената била направена врз основа на консултации што ги имал со меѓународни институции во делот на управувањето на затворски систем и на финансиски институции кои финансираат унапредување на затворскиот систем на државата.
Од Министерството за правда денеска соопштија дека Управата за извршување на санкциите на 13 јануари спровела вонреден стручен надзор во затворот Идризово со цел да се утврдат сите околности кои довеле до бегството на осуденото лице Беким Мемети.
Видете и ова: Командирот донел одлука затвореникот Мемети кој избега да биде пренесен во болницаОд управата нотирале два пропусти, односно дека одлуката за да може осудениот да биде спроведен до Клинички центар ја донел Командирот на одделение и осуденото лице наместо да биде сместено во специјално обезбедениот дел од возилото, по предлог на командирот било сместено на седиштата помеѓу два припадника на затворската полиција.
Видете и ова: Затвореник пукал во затворски полицаец и побегнал додека го носеле во болница36 годишниот тетовчанец побегна кога бил превезуван со полициско комбе од затворот Идризово кон Ургентниот центар „Мајка Тераза“ при што го украл пиштолот на еден од полицајците и пукал кон него. Мемети бил осуден на вкупна казна од 21 година затвор, од кои 19 за убиство и две за трговија со дрога.