„Северна Македонија како земја претседавач со ОБСЕ ќе се залага да најде начин повторно да ја врати оваа организација во Украина“, порача денеска министерот за надворешни работи и претседавач на ОБСЕ, Бујар Османи, кој во рамки на денешната посета на Украина го посети Бородјанка во киевската област, кој е силно погоден од воените дејствија. Османи истакна дека комуникацијата со Русија ќе зависи од тоа, како ќе се постави во однос принципите и заложбите на Организацијата, за што, како што кажа, тој како претседавач на ОБСЕ нема да дозволи никакви компромиси. „Пустошот предизвикан од воената агресија врз Укрина длабоко ме потресува. Уништувањето на виталната инфраструктура и страдањето на украинскиот народ мора да запре. Потребна е итна акција за да се стави крај на ова безумие и да се обезбеди помош за оние на кои им е потребна. Мораме да работиме да престане страдањето, а потоа да ги обновиме овие уништени области“, истакна Османи.
Војната во Украина - врвен приоритет за македонското претседавање со ОБСЕ
Тој на почетокот од посетата на Бородјанка изрази жалење за сите невини жртви и илјадници Украинци кои мораа да ги напуштат своите домови како би ги избегнале разорувачките последици од руската воена агресија. Тој истакна дека во вооружените дејствија од страна на Русија, разурнати се училишта, болници и друга државна инфраструктура, која за жал и понатаму се оштетува или уништува. Претседавачот на ОБСЕ го осуди нападот на станбена зграда во Дњепар, каде пред два дена загинаа повеќе од 40 лица, и над 70 ранети. Тој истакна дека неиспровоцирана агресија е кршење на меѓународното право, потенцијална закана за регионот, но и извор на страв и несигурност за цел свет. Додаде дека Организацијата ќе ги искористи сите механизми и алатки да помогне во напорите да се стави крај на како што рече оваа страдање и уништување.
Вашиот пребарувач не подржува HTML5
Тешки времиња за ОБСЕ поради руската агресија врз Украина
Посетата на Османи на Киев е во рамките на реализацијата на еден од главните приоритети на Претседавањето – состојбата во Украина, со посебен фокус кон луѓето на терен кои се најпогодени од воената агресија – За луѓето се работи!, наведуваат од МНР. Во рамките на посетата на Украина предвидени се низа средби со високи претставници на државната власт на Украина.