Бројот на загинати од рускиот ракетен напад врз станбена зграда во централниот украински град Днипро се искачи на 30, соопшти националната служба за вонредни состојби. Општинскиот совет на Днепро, исто така, соопшти дека 72 лица биле повредени во нападот во градот, само еден од неколкуте украински градови цел на руски ракети. Советот додаде дека 39 лица, меѓу кои шест деца, биле спасени. Се наведува дека 43 лица се водат како исчезнати во смртоносниот напад.
Нов руски ракетен напад врз Украина
„Продолжуваат операциите за пребарување и спасување и демонтирање на опасните структурни елементи. Деноноќно“, рече украинскиот претседател Володимир Зеленски. Зеленски директно му се обрати на рускиот народ во своето ноќно видео обраќање: „Вашиот кукавички молк, вашиот обид да „дочекате“ што се случува, ќе заврши само со фактот дека еден ден истите тие терористи ќе дојдат по вас“, рече тој, говорејќи на руски. Претходно, градскиот совет прогласи тридневна жалост за, како што рече, најлошиот „терористички напад врз Днипро“ од почетокот на целосната инвазија на Русија минатиот февруари. Спасувачите користеа кран за да се обидат да ги евакуираат луѓето заробени во горните катови на станбената зграда, од кои некои сигнализираа со батериските светилки на нивните мобилни телефони, рече Кирило Тимошенко, заменик-шеф на украинскиот претседателски кабинет, наведувајќи дека најверојатно имало луѓе под урнатините.
Столтенберг: Украина може да очекува повеќе испораки на оружје од западните земји
Украинската војска соопшти дека верува оти деветкатницата била погодена со ракета со долг дострел Kh-22. Како последица на нападот се урна целиот влез на зградата во која живеат повеќе од 1.100 луѓе.