Хипотеки со пониски стапки и подолги рокови ќе им бидат понудени на Турците со средни приходи кои сакаат да купат нови станови, изјави денеска турскиот министер за финансии Нуредин Небати. Тој рече дека хипотекарните заеми со износ до 5 милиони лири (266.823 долари), ќе имаат рок на доспевање до 15 години и стапки ќе почнуваат од 0,69%. „Подготвивме „програма за мојот нов дом“ за граѓани со среден приход со поволни стапки, тригодишна поддршка од Министерството за финансии во плаќањата и план за плаќање врз основа на приходите на домаќинствата“, рече Небати.
Инфлацијата во Турција во декември падна на 63 отсто
Кредитите со поволни стапки ќе бидат доделени на нови станови, пред, за време или по изградбата, рече и Небати, наведувајќи дека изведувачите кои ветуваат изградба на станови, исто така, ќе имаат пристап до финансирање од околу 25 милијарди турски лири поддржани од фондовите за кредитна гаранција. Пред изборите во средината на оваа година претседателот Реџеп Таип Ердоган, владата продолжи со политика на фискални и монетарни стимулации, вклучувајќи зголемување на платите, пензиски бенефиции, социјална помош, енергија и поддршка на земјоделството.