Земјите на НАТО ќе разговараат за нивните цели за одбранбените трошоци во наредните месеци, бидејќи некои од нив бараат да се претвори целта од 2 отсто во минимална бројка, изјави генералниот секретар на НАТО Јенс Столтенберг за германската новинска агенција ДПА. „Некои сојузници силно се за претворање на сегашната цел од 2 отсто во минимум“, изјави Столтенберг, наведувајќи дека тој ќе ги води преговорите.
Столтенберг смета дека НАТО мора да го зголеми производството на оружје
„Ќе се сретнеме, ќе имаме министерски состаноци, ќе имаме разговори во главните градови“, рече тој. Тој не кажа кои земји од НАТО повикуваат на поамбициозна цел. Шефот на НАТО рече дека има за цел да постигне договор најдоцна до следниот редовен самит на НАТО, кој ќе се одржи во главниот град на Литванија, Вилнус, на 11-12 јули.