Рускиот претседател Владимир Путин денеска потпиша указ со кој се забранува продажба на руска сурова нафта на странски фирми и државјани кои го прифатија ограничувањето на цената на руската нафта на 60 долари за барел.
Западните земји го воведоа ова ограничување за да ги намалат руските приходи што се користат за финансирање на војната во Украина.
Забраната ќе стапи на сила на 1 февруари и ќе остане во сила до 1 јули.
Уредбата не се однесува само на нафтата, туку и на нафтените деривати. Владата дополнително треба да утврди од кога ќе важи таа забрана.
Видете и ова: Единството на ЕУ околу санкциите врз Русија слабееУказот, објавен на официјалната веб-страница на владата и на Кремљ, е одговор на „дејствијата кои се непријателски и спротивни на меѓународното право од страна на САД и странски држави и меѓународни организации кои им се придружија“.
Групата Г7, Европската унија и Австралија претходно овој месец се согласија да воведат ограничување на цената на руската сурова нафта која се транспортира по морски пат на 60 долари за барел, кое стапи на сила на 5 декември.