Протест на Асоцијацијата за цистична фиброза: Овозможете ни терапија, сакаме да живееме

Од Асоцијацијата за цистична фиброза на протест рекоа дека „до овој момент, и покрај ветувањата кои што до сега ги добивале од Министерството за здравство, Фондот за здравство и Одделите каде се лекуваат пациентите, нема поместување во третманот на болеста кон подобро, а здравствената состојба на секој од нив се влошува“.

Собрани се над 10 000 потписи во знак на поддршка на петицијата и истите беа приложени и до Министерството за здравство. Зошто се уште нема обезбедено терапија и дали ќе се обебеди, немаме добиено одговор, беше кажано на протестот

Со транспаренти и пароли, насобраните побараа министерот за здравство Беким Сали да излезе надвор, кај нив, зошто времето изминува

Асоцијацијата за цистична фиброза водеше активна кампања, за да ги поттикне надлежните институции за воведување на модулаторна терапија за сите пациенти. Терапија која од корен ја видоизменува состојбата на пациентите, велат од Асоцијацијата

Не сме ставка во буџетот и сакаме да живееме, скандираа пред Министерството за здравство

Ставете се на наше место, порачаа членови на Асоцијацијата до властите

И пациентите и нивните роднини велат дека се разочарани од односот кон нив: Ретки сме, но постоиме. Доста е преговори!

„Многу од пациентите немаат време да чекаат за терапија и она што нас не иритира, како пациенти, е тоа што вакви разговори постојано имаме и сме ги воделе, и постојано сме добивале ветување. Не смее да се случи ниту еден живот да биде загубен“, порача денеска Ивана Атанасоска од Асоцијацијата за цистична фиброза