Бугарската нуклеарна централа Козлодуј денеска потпиша договор со Вестингхаус Електрик Шведска за снабдување со нуклеарно гориво за нејзината руска единица 5 од 1.000 мегавати, што е прв чекор за диверзификација од руските испораки. Бугарија во моментов се потпира врз руското нуклеарно гориво за двата блока во централата Козлодуј од 2.000 мегавати, но се обидува да ја зајакне енергетската безбедност по руската инвазија врз Украина. Нуклеарката произведува околу 35 отсто од електричната енергија во земјата и во моментов користи нуклеарно гориво што го снабдува руската фирма Росатом. Козлодуј, исто така, има за цел да потпише договор со францускиот Framatome за неговиот друг реактор, единицата 6.
Како рускиот државен нуклеарен гигант Росатом ги избегна санкциите
„Конечно направивме чекор кон диверзификација на нуклеарното гориво за нашата централа. На овој начин ја обезбедуваме нашата енергетска безбедност“, рече извршниот директор на Козлодуј, Георги Кирков. Бугарскиот министер за енергетика Росен Христов рече дека во моментов пратките на нуклеарно гориво од Русија се нејасни, така што новиот 10-годишен договор со Вестингхаус ќе помогне да се обезбеди работата на централата. Минатиот месец, парламентот побара од преодната влада на Бугарија да обезбеди алтернативно снабдување со нуклеарно гориво за централата до април 2024 година и да ги ублажи ризиците за енергетската безбедност на земјата.