Белоруското Министерство за одбрана соопшти дека врши проверка на борбената готовност на своите вооружени сили. Инспекцијата била наредена од авторитарниот владетел Александар Лукашенко под раководство на Државниот секретаријат на Советот за безбедност, се вели во соопштението на белоруското Министерство за одбрана. Овој потег доаѓа додека Русија ја продолжува својата инвазија врз Украина.
Белорусија ќе преместува воена опрема и сили како одговор на можен тероризам
Москва организираше некои од своите воени операции од Белорусија и дозволи белоруската територија да ја користи руската армија за обука, прераспоредување, воздушни и ракетни напади. Украинската државна гранична служба соопшти дека објавата не го менува нејзиното работење и ќе продолжи да ги надгледува сите заеднички белоруско-руски вежби и движења долж границата. „Ќе гледаме како ќе се развива ситуацијата, вклучително и колку овие единици ќе се приближат до границата со Украина“, изјави Андриј Демченко, портпарол на државната гранична служба на Украина.