Руската Федерална служба за безбедност – ФСБ денеска соопшти дека уапсила двајца жители на Крим, кој е анектиран од Украина, под обвинение за велепредавство. Според ФСБ, лицата дале податоци за воените постројки на Крим на украинското разузнавање. Русија уапси десетици луѓе на Крим и низ цела Русија под обвиненија за шпионажа, екстремизам и тероризам, откако илегално го анектираше Крим во март 2014 година.
„Еден граѓанин, по инструкции на Украина, во летото 2022 година, го вклучил својот познаник, жител на Севастопол, кој собирал и пренесувал податоци за предметите на руската ФСБ до странска специјална служба преку социјалната мрежа WhatsApp“, се вели во извештајот.
Против уапсените се покренати кривични пријави и им е одреден притвор од два месеца.
Видете и ова: Двајца браќа родени во Иран обвинети во Шведска дека шпионирале за РусијаЕден ден претходно, ФСБ на Русија поднесе обвинение за предавство против геодетскиот научник и поранешен вработен во канцеларијата на градоначалникот на Биробиджан, Валери Качин. На 35-годишниот Качин судот му одреди мерка притвор, а тој од Биробиджан е префрлен во истражниот затвор Лефортово во Москва. Судот Лефортово во Москва вчера му го продолжи притворот за три месеци.