Варшава ќе ја прифати понудата од Германија и ќе предложи распоредување дополнителни ракетни системи „Патриот“ во близина на нејзината граница со Украина, изјави полскиот министер за одбрана Мариуш Блашчак.
„Со задоволство го прифатив предлогот на германскиот министер за одбрана во врска со распоредувањето на дополнителни ракетни мнофрлачи „Патриот“ во нашата земја“, напиша на Твитер на 21 ноември полскиот министер за одбрана.
Понудата на Германија дојде по падот на залутан проектил во Полска минатата недела.
Германската влада веќе соопшти дека на својот сосед ќе му понуди дополнителна помош во контрола на нејзниот воздушен простор со германските Еурофајтери по инцидентот, кој првично предизвика стравувања дека војната во Украина може да се прелее преку границата.
Видете и ова: Столтенберг -Нема индиции дека Русија планира напади врз НАТО земјиРакетата што ја погоди Полска минатата недела, при што загинаа две лица, се чини дека била истрелана од украинската воздушна одбрана, изјави генералниот секретар на НАТО, Јенс Столтенберг.
Копнените системи за противвоздушна одбрана како што е „Патриот“ се дизајнирани да пресретнуваат проектили кои доаѓаат, пренесува новинската агенција Ројтерс.