Советот на јавни обвинители на денешната шеесет и деветта седница ги предложи Ислам Абази и Фиданка Рајевска за двајца членови од редот на јавните обвинители во Управниот одбор на Академијата за судии и јавни обвинители.
Абази на 7 ноември доби најмногу гласови на изборите за шеф на Обвинителството за гонење на организиран криминал и корупција. Советот на јавни обвинители в понеделник треба да одржи седница за негово именување. Рајевска е член на Советот на јавни обвинители. За нивни заменици се предложени Бурим Рустеми и Ристе Бојаџиски.
Советот ги предлага и Јован Цветановски и Газменд Мехемти за членови и Пецо Везировски и Фатон Азизи за нивни заменици на Комисијата за завршен испит при Академијата за судии и јавни обвинители од редот на јавните обвинители.
На седницата донесена е одлука за престанок на функцијата јавен обвинител на Ристе Шошески во обвинителството во Прилеп, поради исполнување на услови за старосна пензија за јавниот обвинител.