Во руски ракетен напад врз Миколајев загинаа шест цивили, додека во меѓувреме украинските трупи продолжија со напредувањето кон Херсон, среде руското повлекување од градот на западниот брег на реката Днепар.
Градоначалникот на Миколајев, Олександр Сиенкович денеска изјави дека луѓето биле убиени кога руски ракети погодиле станбена зона на градот, уништувајќи петкатна зграда.
„До 10:00 часот, шест лица беа убиени од нападот врз станбената зграда“, рече Сиенкович.
Одделно, Генералштабот на украинските вооружени сили денеска соопшти дека руското повлекување од Херсон се одвива бавно за да им се овозможи на силите на Москва да ги зајакнат позициите на источниот брег на реката Днепар.
Под контрола на Херсон е единствениот копнен пат до полуостровот Крим, окупиран од Украина, како и устието на реката Днепар, што ја преполовува Украина.