Jапонскиот премиер Фумио Кишида изјави дека неговата земја мора итно да ги зајакне своите воени капацитети бидејќи има се повеќе безбедносни ризици, вклучувајќи ги нуклеарните закани од Северна Кореја и руската војна против Украина.
Во меѓународната ревизија на воената флота која се одржа денеска учествуваа 18 воени бродови од 12 земји, меѓу кои САД, Австралија, Канада, Индија, Нов Зеланд, Сингапур и Јужна Кореја, а воени авиони испратија и САД и Франција.
Јужна Кореја се приклучи за прв пат по седум години, со што ги означи подобрените врски меѓу Токио и Сеул, кои беа затегнати поради воените злосторства на Јапонија.
„Безбедносната средина во источното и јужното Кинеско Море, особено околу Јапонија, станува сè понапната“, рече Кишида, посочувајќи на бројните лансирања на ракети од Северна Кореја и зголемената загриженост за влијанието на руската инвазија на Украина.
- Северна Кореја истрела уште четири ракети
- Јужна Кореја истрела три проектили како одговор на 10 севернокорејски проектили
Кишида рече дека е важно избегнувањето спорови и барањето дијалог, но и дека е неопходна подготвеност да се одговори на провокациите и заканите за мирот и стабилноста. Тој го повтори своето ветување за значително зајакнување на воената способност на Јапонија во рок од пет години.