Северна Кореја истрела четири ракети со краток дострел во правец на Жолтото Море, објави јужнокорејската армија на 5 ноември.
Генералштабот на армијата на Јужна Кореја соопшти дека лансирањето било забележано околу 11:30 часот по локално време од правец на Донгрим во провинцијата Северен Пјонгјанг.
Пјонгјанг минатата недела истрела рекорден број проектили како одговор на заедничките воздушни вежби на САД и Јужна Кореја.
Тензиите на Корејскиот полуостров се зголемија за време на маневрите бидејќи Северна Кореја ги смета за генерална проба за напад на нејзина територија или обид за соборување на нејзината влада.
Северна Кореја истрела повеќе од 30 проектили оваа недела, вклучително и интерконтинентална балистичка ракета во четвртокот.
- Северна Кореја со артилериски истрели и прелети на авиони во близина на границата
- Јужна Кореја истрела три проектили како одговор на 10 севернокорејски проектили
Поради ова, во северна Јапонија беа активирани предупредувањата за евакуација. Северна Кореја исто така прелета голем број воени авиони на своја територија.
Војската на Јужна Кореја соопшти дека два американски бомбардери Б-1Б вежбале со американски борбени авиони Ф-16 и четири јужнокорејски Ф-35 за време на заедничките вежби што завршија на 5 ноември.
Тоа е првпат од декември 2017 година, граничарите да бидат распоредени и на Корејскиот полуостров. Во јужнокорејско-американските вежби учествуваат 240 авиони, вклучително и борбени авиони Ф-35 од двете земји.