Градоначалникот на Киев изјави дека снабдувањето со електрична енергија и вода е обновено по еднодневните руски ракетни напади врз украинските енергетски објекти, вклучително и хидроцентралите, кои предизвикаа прекини на струја, прекини на мобилната телефонија и намалување на снабдувањето со вода. „Водоснабдувањето во домовите на жителите на Киев е целосно обновено. Им благодариме на експертите на Киевводоканал и ДТЕК, кои работеа речиси еден ден за да ги вратат водата и електрична енергија за жителите на главниот град“, напиша денеска Виталиј Кличко на Телеграм.
Серија експлозии во Киев и други украински градови
Русија со недели ја гаѓа украинската енергетска инфраструктура и други цивилни згради со ракетни, беспилотни летала и артилериски напади во време на украинска контраофанзива која ги избрка руските трупи од североистокот и ги оттурна назад на исток и југоисток. Во своето ноќно обраќање, претседателот Володимир Зеленски рече дека украинската воздушна одбрана направила добра работа соборувајќи ги повеќето проектили лансирани против нејзиниот воздушен простор, а зајакнувањето на капацитетите за противвоздушна одбрана на земјата останува главен приоритет.
Киев: Русија денеска лансираше повеќе од 50 крстаречки ракети кон Украина
Русија лансираше проектили врз неколку украински градови на 31 октомври, вклучувајќи го и главниот град на нацијата Киев, додека Кремљ продолжува со својот немилосрден напад врз украинската критична инфраструктура со надеж дека ќе ја намали волјата на населението за отпор. Одделно, во источна Украина, воената команда соопшти дека имало жестоки битки во близина на Бахмут во регионот Доњецк, а украинските сили ги спречиле руските напади врз две други области во регионот, околу Авдијевка и Ухледар. Русија, исто така, ја прошири присилната евакуација на украинските граѓани од окупираниот Керсон, додека нејзините сили се обидуваат да го задржат регионот.