Вербален инцидент се случи денеска во Благоевград на отворањето на македонскиот клуб „Никола Вапцаров“ меѓу лидерот на ВМРО-ДПМНЕ Христијан Мицкоски и граѓанин кој носел звучник од кој одекнуваа патриотски песни.
Нарекувајќи го Мицкоски предавник, граѓанинот побарал од него да зборува бугарски по што насобраните граѓани почнале да извикуваат „Македонија, Македонија“.
Инцидентот се случил кога гостите и домаќините се упатија кон споменикот на таткото на Гоце Делчев. Денешното отворање на клубот се одржува со засилено полициско обезбедување.
Мицкоски изјави дека присуствува на отворањето „за да им дадеме поддршка на нашинците во Бугарија и да испратиме јасна порака дека ние сме Македонци кои што зборуваат македонски јазик и доаѓаат од Македонија“.