Германскиот парламент денеска гласаше за суспендирање на уставната кочница за задолжување со цел да може да биде одобрен итен пакет од 200 милијарди евра за справување со енергетската криза. Најголемата европска економија се обидува да се справи со зголемените трошоци за гас и електрична енергија предизвикани главно од колапсот на испораките на руски гас во Европа, за што Москва ги обвини западните санкции по нејзината инвазија на Украина во февруари.
ЕУ се согласи да ги ограничи цените на енергијата, ама наскоро
Пакетот од 200 милијарди евра вклучува кочница за цената на гасот и намалување на данокот на промет за горивото. „Создадена е основата за сопирачките на цената на струјата и гасот и друга поддршка“, напиша министерот за финансии Кристијан Линднер на Твитер, наведувајќи: „Во оваа енергетска војна, ние мора да ја искористиме нашата економска сила за да ја одржиме“.