Во последните 24 часа регистрирани се 44 нови случаи на ковид-19 од направени 564 тестови, соопшти Министерството за здравство. Од вкупниот број на позитивни (44), регистрирани се 13 реинфекции.
Најголем број од новите случаи се во Скопје – 32, Прилеп и Кавадарци – по 4, Битола – 3, Кратово – 1.
Регистрирани се 81 оздравени пациенти.
Во текот на изминатите 24 часа, нема регистрирани починати лица од ковид, а пријавени се тројца починати од Регистарот на умрени лица со дијагноза ковид- 19 од Мој Термин.
Вкупната бројка на ковид-дијагностицирани лица во земјава од почетокот на епидемијата изнесува 343.800, бројот на оздравени пациенти е 333.960, на починати е 9.559 а бројот на активни случаи изнесува 281.