Конгресниот комитет што ги истражува насилните нереди во Капитол Хил на 6 јануари 2021 година ја започна својата последна јавна расправа. За време на седницата беа објавени информации кои укажуваат дека поранешниот американски претседател Доналд Трамп имал однапред смислен план, пред да бидат преброени гласовите по претседателските избори во ноември 2020 година, да прогласи победа без разлика на вистинскиот исход од гласањето. „Доказите покажуваат дека неговиот лажен победнички говор бил планиран многу однапред, пред да се пребројат гласовите. Планот беше да се прогласи победа без оглед на вистинскиот резултат на гласањето“, изјави Зои Лофгрен, претставник на Демократската партија од Калифорнија, за време на сослушувањето.
Поранешен полицаец осуден на над седум години затвор за нападот во американскиот Конгрес
Таа додаде дека разговарале со Бред Парсел, кој раководел со кампањата на Трамп. „Тој ни кажа дека Трамп планира да објави дека победил на изборите во јули, дури и во случај на пораз“, рече таа. Објавените материјалите вклучуваат снимки од поранешниот потпретседател Мајк Пенс и Грег Џејкобс во кои вториот опишува како тој и тогашниот шеф на кабинетот на Пенс, Марк Шорт, се подготвувале Трамп да прогласи победа на изборната ноќ - без оглед на исходот од избори.