Северна Кореја денеска лансираше две нови балистички ракети, шести пат за помалку од две недели. Пјонгјанг соопшти дека тоа е „само одмазда“ за воените вежби на Вашингтон, а Сеул во регионот. Јужнокорејската војска објави дека две ракети со краток дострел биле лансирани од околината на Пјонгјанг кон Јапонското Море.
Јужна Кореја и САД истрелаа четири ракети како одговор на ракетите на Пјонгјанг
„Станува збор за „праведна одмазда на Корејската народна армија против заедничките воени маневри на Јужна Кореја и Соединетите Американски Држави кои водат до ескалација на воените тензии на Корејскиот полуостров“, соопштија севернокорејските власти. Јапонската крајбрежна стража го потврди лансирањето. „Ова шесто лансирање за помалку од две недели е „апсолутно неприфатливо“, изјави јапонскиот премиер Фумио Кишида.