Унгарскиот премиер Виктор Орбан изјавил на неговата владејачка партија Фидес дека санкциите против Русија воведени од Европската унија треба да бидат укинати, објави провладиниот дневен весник Маѓар Немзет. Владиниот портпарол Золтан Ковач ги потврди коментарите во одговорот до Ројтерс. Орбан, кој е остар критичар на санкциите на ЕУ кон Москва поради нејзината инвазија врз Украина, го изјави ова на состанокот зад затворени врати на членовите на неговата партија во средата, пред почетокот на есенската политичка сезона.
Унгарија се обидува да ги смири разговорите на ЕУ за повеќе санкции врз Русија
Маѓар Немзет го цитира Орбан - без да наведе извор - дека санкциите на ЕУ ги зголемија цените на бензинот и инфлацијата, и ако овие мерки се укинат, цената на бензинот веднаш ќе се намали за 50%, додека инфлацијата исто така ќе падне. Без санкции, Европа би можела да ја поврати силата и би можела да избегне претстојна рецесија, се цитира Орбан во написот, повторувајќи го неговиот претходен став дека санкциите и штетат на Европа повеќе отколку на Русија.