Ограничувањето на маржите на основните прехранбени производи ќе важи до крајот на годината, одлучи Владата на денешната седница постапувајќи по предлог на Министерството за економија. Таква одлука е донесена оти состојбата на пазарот укажува дека цените не се стабилизирани.
Мерката за ограничување на маржите требаше да важи до крај на септември, но со новата одлука е продолжена за уште три месеци.
Раст на цените на храната август 2021 / август 2022
Владата ја ограничи трговската маржа на основните прехранбени производи во трговијата на големо и на мало. Таа важи за белиот леб, шеќер како и за рафинираното сончогледово масло и е во висина до 5 проценти во трговијата на големо и до 5 отсто во трговијата на мало.
За брашно од пченица, за макарони, македонски бел ориз, трајно кравјо млеко и за јајца од кокошка е утврдена трговска маржа во висина до 10 проценти. Мерката, како што е пропишано, важи до крајот на месецов.
Цените на основните производи нагло пораснаа годинава поради растот на цените на енергенсите на светските пазари, а и поради прекинатиот ланец на снабдување поради војната во Украина.