Втората резервна линија за напојување е повторно поврзана со нуклеарната централа Запорожје, помагајќи во напорите да се осигура дека нуклеарното јадро е правилно ладено, соопшти денеска Меѓународната агенција за атомска енергија (МААЕ).
Повторното поврзување на втората линија му овозможи на операторот да ја задржи едната линија во резерва, додека другата ја обезбедува централата со надворешна електрична енергија потребна за ладење на реакторот и други основни безбедносни функции, се вели во денешното соопштение на МААЕ.
Тимот на Меѓународната агенција за атомска енергија присуствуваше и помагаше со исклучувањето и ладењето на шестиот реактор на централата, се додава во соопштението. Агенцијата соопшти дека реакторот „влегол во состојба на ладно исклучување како и петте други реактори на објектот“ во развој значаен за нуклеарната безбедност во најголемата европска нуклеарна централа.
Украина со засилена одбрана, ослободени 40 населени места од руските сили
Но, шефот на МААЕ, Рафаел Гроси, рече дека ситуацијата во централата останува „несигурна“ и ги обнови своите повици за воспоставување безбедносна зона околу централата.
Прва средба на Џинпинг и Путин од почетокот на инвазијата врз Украина
Гроси претходно рече дека Киев и Москва покажале „знаци дека се заинтересирани“ за создавање безбедносна зона. Двете земји се ангажираат со МААЕ и поставуваат многу прашања во врска со идејата изнесена од нуклеарното набљудување на ОН за создавање на зоната, рече Гроси.