Белоруските одбранбени претставници најавија почеток на воени вежби во близина на западната граница на Белорусија со членката на ЕУ Полска.
Министерството за одбрана денеска соопшти дека неговите војници ќе тренираат за „ослободување на територијата привремено заземена од непријателот“ и повторно преземање контрола над пограничните региони.
Во соопштението се наведува дека маневрите ќе се одржат на воените полигони во Брест, во близина на западната граница со Полска, како и во областите околу главниот град Минск и Витебск, во североисточна Белорусија.
Министерството не соопшти колку војници се вклучени во воената вежба, но рече дека нивниот број и опрема не ги надминуваат виенските упатства за задолжителното меѓународно известување претходно.
Спорниот лидер на Белорусија, Александар Лукашенко, и дозволи на руската војска да ја користи нејзината територија за да ја нападне Украина во почетната и во следната фаза на шестмесечната инвазија.
Лукашенко негираше дека белоруските трупи директно учествуваат во какви било непријателства.