Албанија ги прекина дипломатските односи со Иран, рече премиерот Еди Рама во изјава откако го обвини Иран дека летово извршил масовен сајбер напад врз неговата земја.
„Советот на министри одлучи да ги прекине дипломатските односи со Исламската Република Иран, што ќе стапи на сила веднаш“, рече Рама.
Рама го обвини Иран дека на 15 јули извршил сајбер напад врз албанските институции во обид да ги „парализира јавните услуги и хакирање на податоците и електронските комуникации од владините системи“.
„Споменатиот напад не ја исполни својата цел. Штетата може да се смета за минимална во споредба со целите на агресорот. Сите системи се вратија во целосно оперативна состојба и немаше неповратно бришење на податоците“, додаде Рама.
Премиерот вели дека иранските дипломати и помошниот персонал имаат 24 часа да ја напуштат земјата по објавувањето. Албанија и Иран имаат непријателски односи со години, кои произлегуваат од тоа што Тирана е домаќин на иранската опозициска група Муџахедин Халк на нејзина територија.
Во 2013 година, Албанија се согласи да прими околу 3.000 членови на иранската опозициска група во егзил на барање на Вашингтон и Обединетите нации.
МЕК го поддржа ајатолахот Рухолах Хомеини во револуцијата во 1979 година, со која беше соборен Шахот, но брзо се скараа со новите исламски власти и започнаа кампања за соборување на режимот.