Чешка и Полска потпишаа договор за заштита на воздушниот простор на соседната земја членка на НАТО, Словачка. До ова дојде откако Братислава ја прекина употребата на старите борбени авиони МиГ-29 од советско производство на крајот на овој месец.
Договорот за заштита потпишан на 27 август треба да трае додека Словачка ја добие нарачка на нови Ф-16 од Соединетите држави, што се очекува некаде во 2024 година.
Министрите за одбрана Мариуш Блашчак од Полска, Јана Чернохова од Чешка и Јарослав Над од Словачка го потпишаа договорот во словачката воздухопловна база.
„Полските ловци по можност ќе полетаат од база лоцирана на полска територија. Чешките ловци, исто така, ќе обезбедат задачи за заштита на воздушниот простор од база лоцирана на територијата на Чешка и ќе се вратат во матичните бази штом ќе ја завршат задачата“, рече портпаролката на словачкото Министерство за одбрана.
Словачкиот министер Над минатиот месец рече дека Словачка можеби ќе ја разгледа можноста да и ја понуди својата сегашна флота од 11 МИГ-29 на Украина во некаква можна замена додека Киев се бори против руската инвазија.
Новите 11 авиони ловци МИГ-29 вредат околу 300 милиони долари.
Од руската инвазија на 24 февруари, Украина -- која не е членка на НАТО -- ги повика западните сојузници да и обезбедат воени авиони наспроти руската воздушна супериорност во војната.