Околу девет илјади украински војници се убиени откако Русија ја започна инвазијата пред речиси шест месеци, изјави врховниот командант на Украина, Валериј Залужниј.
Од стартот на војната, двете страни се крајно претпазливи во откривањето на бројките за загинати војници.
Последен пат кога украинските власти објавија загуби во вооружените сили беше во април, кога претседателот Володимир Зеленски изјави дека 3.000 украински војници биле убиени, а 10.000 биле повредени.
Што значи новата стратегија на Украина за следната фаза од војната
Москва, пак, смртта на војниците ги класифицира како државни тајни и ретко ги ажурира официјалните податоци на загинати.
Според последните официјални податоци кои ги објави Русија во март, околу 1.350 руски војници биле убиени.
Проценките на украинските власти пак беа дека Русија загубила околу 45.500 војници.