Германскиот канцелар Олаф Шолц изјави дека Берлин нема да поддржи неколку европски земји кои ги повикаа членките на ЕУ да престанат да издаваат туристички визи за руските граѓани за да не можат да летуваат во Европа додека Москва е во војна со Украина. Финска и Данска сакаат одлука на ЕУ, а некои земји од ЕУ кои граничат со Русија повеќе не им издаваат визи на Русите. „Ова не е војна на рускиот народ. Тоа е војна на Путин и ние мора да бидеме многу јасни во врска со тоа“, рече Шолц, додавајќи дека е важно да се разбере дека има многу луѓе кои бегаат од Русија бидејќи не се согласуваат со рускиот режим. „Сите одлуки што ги носиме во рамките на ЕУ не треба да го отежнуваат одењето до слобода и напуштањето на таа земја“, рече Шолц.
Зеленски го повтори повикот за забрана за визи за влез во ЕУ за Русите
Прашањето за визите се очекува да биде покренато на неформалниот состанок на министрите за надворешни работи на ЕУ на 31 август. Финската премиерка Сана Марин, која ја поддржува забраната, рече дека тоа е прашање за кое „треба да се разговара“.