Во објава на Фејсбук, лидерката на Бугарската социјалистичка партија, Корнелија Нинова, повика на итни преговори со руската енергетска компанија Газпром за да се избегнат банкроти на деловните активности и да се осигура дека луѓето во земјата нема да страдаат во претстојната зима. Според Нинова, додека политичарите во Бугарија и експертите се расправаат кој е виновен, дали има бродови со течен гас, дали ќе работи интерконекторот со Грција, фабрики за ѓубрива во земјата почнаа да го затвораат производството и да отпуштаат работници. Министерот за економија и индустрија на Бугарија дури сега ќе направи анкета колку компании работат на гас и ќе им даде инструкции да ја намалат потрошувачката за 15%. Овие податоци се достапни – 28.000 претпријатија користат гас во кои работат 250.000 луѓе, смета и Нинова.
Дали со привремената влада Бугарија ќе се врати во руската орбита?
Таа повика овие претпријатија во Бугарија да не се принудуваат да ја намалуваат потрошувачката на гас, бидејќи некои од нив никогаш повеќе нема да можат да ги стартуваат машините. Според лидерката на бугарските социјалисти, решението во оваа фаза за економијата и домаќинствата е само едно – итни преговори со Гаспром, како што направија голем број европски лидери. Претседателот на Бугарија Румен Радев треба да одржи средба со сопственикот и менаџментот на градежната компанија „Авакс“, која го гради интерконекторот меѓу Грција и Бугарија и со менаџментот на проектната компанија која ја нарача изградбата – ИЦГБ. Целта на средбата е да се разјасни реалната состојба и потребните активности за што побрзо завршување на проектот.
Бугарите ја притискаат преодната влада за независност од рускиот гас
Една недела пред претседателската администрација во Бугарија протестираат граѓани кои се против враќањето на Гаспром како снабдувач со гас.