Шефот на иранската организација за атомска енергија, Мохамад Еслами, денеска изјави дека Исламската Република има технички капацитети да произведе нуклеарна бомба, но нема намера да го стори тоа, јави полуофицијалната новинска агенција Фарс. Еслами ги повтори коментарите дадени минатиот месец од Камал Харази, висок советник на врховниот водач ајатолахот Али Хамнеи. Иран веќе збогатува ураниум до 60 насто чистота, што е далеку над границата од 3,67 отсто утврдена со нуклеарниот договор на Техеран со светските сили од 2015 година. Ураниум збогатен до 90 проценти може да се користи во изградбата на нуклеарно оружје.
Иран планира да изгради нов нуклеарен реактор
Поранешниот американски претседател Доналд Трамп еднострано ги повлече Соединетите држави од договорот во 2018 година, повторно воведувајќи строги санкции кон Иран. Техеран постепено ќе го прекине почитувањето на договорот. Разговорите за враќање на договорот се во застој од април.