Шефот за енергетска политика на Европската унија, Кадри Симсон, остро ја критикуваше најавата на руски Газпром дека ќе го забави снабдувањето во Европа, a членките на блокот ја обвинуваат Москва дека ја користи енергијата како оружје додека води војна против Украина. Газпром вчера соопшти дека протокот на гас во Германија преку гасоводот Северен тек 1 ќе се намали на 33 милиони кубни метри дневно, почнувајќи од денеска. Тоа е половина од сегашните текови, кои веќе се само 40 проценти од нормалниот капацитет. „Знаеме дека не постои техничка причина за тоа. Ова е политички мотивиран чекор и мораме да бидеме подготвени. И токму поради таа причина, превентивното намалување на нашата побарувачка за гас е мудра стратегија. Симсон ова го изјави при пристигнувањето на денешниот состанок на министрите за енергија на ЕУ во Брисел.
ЕУ предлага земјите да ја намалат побарувачката на гас за 15 насто
Се очекува министрите да постигнат договор за вонредните правила на ЕУ со кои се бара од земјите да ја ограничат побарувачката на гас, иако неколку земји најверојатно ќе се откажат. Чешкиот министер за индустрија и трговија Јозеф Сикела предупреди дека е потребно намалување, бидејќи рускиот претседател Владимир „Путин ќе продолжи да ги игра неговите валкани игри на злоупотреба и уценување со снабдувањето со гас“.