Официјални лица од Турција, Финска и Шведска ќе се сретнат во август за да го оценат напредокот постигнат во исполнувањето на антитерористичките барања на Анкара од нордиските земји да го укинат ветото на нивната кандидатура за членство во НАТО, изјави денеска турскиот министер за надворешни работи Мевлут Чавушоглу. Финска и Шведска поднесоа барање за членство во НАТО како одговор на руската инвазија на Украина, но беа соочени со противење од Турција, која ги обвини дека ги поддржуваат групите кои ги смета за терористички.
Ердоган повторно се заканува со блокада на членството на Шведска и на Финска во НАТО
Трите земји во минатиот месец потпишаа договор за укинување на ветото на Анкара во замена за ветувања за борба против тероризмот и извоз на оружје. Говорејќи за државната телевизија ТРТ Хабер, Чавушоглу рече дека состанокот во август ќе биде прв на Комитетот за следење формиран според договорот, но повтори дека Турција ќе го блокира членството на нордиските земји доколку тие не ги одржат своите ветувања.