Од Скопје до Херсон

РУСИЈА / УКРАИНА - Воената администрација во окупираниот украински град Херсон, поставена од Москва, соопшти дека се подготвува да одржи референдум за приклучување кон Русија.

УКРАИНА / РУСИЈА - Украинското Министерство за одбрана објави размена на затвореници во која учествуваат 144 украински војници, вклучително и голем број бранители на челичарницата Азовстал во јужниот пристанишен град Мариупол.

МАКЕДОНИЈА - Претседателот на опозициската ВМРО-ДПМНЕ смета дека е невозможно решавање на спорот меѓу Македонија и Бугарија додека трае француското претседателство.

МАКЕДОНИЈА - Премиерот Димитар Ковачевски денеска од Собранието најави воведување закон за плати во кој како што рече ќе се знае која ќе биде конзистентноста и структурата на платите во државата.

МАКЕДОНИЈА - Министерот за правда Никола Тупанчески смета дека ветингот не се покажал како најдобра алатка за прочистување во судството и дека филтрација кај судиите може да се направи и преку постојните институции и закони.

МАКЕДОНИЈА - За 98,8 отсто од домаќинствата просечната цена на струјата ќе се зголеми за 7,4 отсто, соопшти денеска претседателот на Регулаторната комисија за енергетика (РКЕ), Марко Бислимовски.

АЛБАНИЈА - Во Албанија во октомври годинава треба да се одржи Пописот на населението и домаќинствата, што беше одложен минатата година, поради пандемијата со ковид-19.

САД - Американскиот претседателот Џо Бајден изјави дека Соединетите Држави ќе го променат својот воен став во Европа поради заканите кои произлегуваат од руската инвазија на Украина. Тој вели дека американското воено присуство во Европа ќе стане поголемо, како реакција на НАТО на заканите од Москва.