Германскиот канцелар Олаф Шолц денеска пред парламентот изјави дека ЕУ мора да даде зелено светло за Северна Македонија и Албанија, а утрешниот самите во Брисел „нема да биде едноставен.
Како што пренесе Дојче Веле на македонски јазик, Шолц бил изненаден што што самитот ЕУ-Западен Балкан во Брисел за малку ќе бил откажан поради одбивањето на лидерите на Македонија, Албанија и Србија заминат за Брисел.
„Кога ќе разбудите очекувања, кога ќе им кажете дека патот кон ЕУ се исплаќа, кога ќе се преземат напори, и ќе се ризикуваат политички конфликти во сопствената земја, една земја- Северна Македонија дури го смени и името за да го реши спорот со Грција, и сето тоа ништо не помага и ништо не се придвижува, тогаш е сосема разбирливa вознемиреноста која ја чувствуваат политичките раководства и граѓаните и граѓанките на овие земји“, изјави Шолц кој го поздрави францускиот предлог и ја повика Бугарија да излезе од минатото и да се насочи кон иднината.
Т.н. француски предлог беше понуден како решение за кревање на бугарското вето и деблокирање на евроинтегративните процеси за Македонија и Албанија.
- Ковачевски – Не прифаќаме ништо без чиста формулација за македонскиот јазик и заштита на идентитетот
Тој деновиве беше доставен со сите земји членки на ЕУ, вклучително и Бугарија која веќе две години има ставено вето за Македонија, поради несогласувања поради македонскиот јазик и историјата. За да биде усвоен, треба да биде прифатен од сите 27 земји членки на ЕУ, вклучително и од Македонија.