Утре во Брисел ќе се одржи нова рунда дијалог меѓу Србија и Косово, на ниво на главните преговарачи на двете земји.
Средбата ја потврди Петер Стано, портпарол на Европската Унија, кој најави дека неговите соговорници ќе разговараат за енергетскиот договор.
„Разговорите ќе се фокусираат на финализирање на патоказот, кој ќе го олесни спроведувањето на енергетските договори од 2013 и 2015 година, како и други актуелни прашања, вклучително и подготовките за следниот состанок на високо ниво“, рече Стано во писмената реакција до медиумите.
- Вучиќ и Лајчак за исполнување на обврските од Бриселскиот договор
- Неуспешен обид за средба на главните преговарачи на Србија и Косово
- Ескобар и Лајчак бараат исполнување на договорите меѓу Косово и Србија
Домаќин на состанокот ќе биде специјалниот претставник на ЕУ за дијалог Мирослав Лајчак. Србија ја претставува Петар Петковиќ, директор на Канцеларијата за Косово во српската влада, додека главен преговарач на Косово е Бесник Бислими.
Минатата недела Стано најави можност за постигнување договор за енергетиката. Според европски извори, енергетиката и прашањето за исчезнатите се две теми за кои партиите ги приближиле ставовите, па постигнувањето договор е реална можност.
Под покровителство на Европската Унија, Белград и Приштина го потпишаа Бриселскиот договор во 2013 година со цел да се отвори патот за нормализација на односите меѓу двете страни.