Судот во Киев ја забрани партијата „Опозициска платформа за живот“ (ОПЗЖ), која се залагаше за блиски односи со Русија, а предводена од украинскиот проруски политичар Виктор Медведчук, кој што моментално е во затвор.
Министерството за правда излезе со соопштение по донесувањето на одлуката на Управниот Апелационен суд.
Медведчук беше уапсен од украинските власти, откако ги прекрши ограничувањата за домашен притвор и се обиде да побегне во Русија.
Лидерот на ОПЗЖ, кој се залагаше за блиски врски со Русија, беше уапсен минатата година под обвинение за предавство и финансирање тероризам.
Шеесет и седум годишниот Медведчук ги негира обвиненијата и ги нарекува политички мотивирани.
Заробен украинскиот политичар Медведчук, близок пријател на Путин
Медведчук, кој заедно одел на одмор со Путин, па дури и го направил кум на своето дете, е еден од најбогатите во Украина . Неговото богатство е проценето на околу 620 милиони долари според Форбс.
Украина го санкционираше Медведчук во февруари 2021 година, замрзнувајќи му ги средствата и ги исклучи трите телевизиски станици за кои рече дека му припаѓаат за промовирање руска пропаганда.